Integrimi i Shqipërisë dhe shoqëria civile  Emigrantët  Media  Zgjedhjet  Të miturit  Minoritetet  Policia  Edukimi ligjor  Shërbimi ligjor  Burgjet dhe vendet e paraburgimit  Shëndeti dhe të drejtat e njeriut  Ekzekutimi i vendimeve gjyqësore  Letra të KSHH  Informacione të tjera  PROJEKTE  RAPORTE  DEKLARATA

   ZGJEDHJET PARLAMENTARE

STRATEGJIA 2007-2010

  TAKIME KESHILLIMORE

Kufizimet kolektive të energjisë elektrike nuk janë të ligjshme

Tiranë, më 1 Mars 2006

Komiteti Shqiptar i Helsinkit, gjatë muajit shkurt 2006, ka ndjekur me vëmendje ankesat e mjaft qytetarëve të Tiranës dhe të rretheve të tjera të vendit.

Ka pakënaqësi të shumta jo vetëm për kufizime me orë të zgjatura të energjisë elektrike, por edhe për ndërprerje kolektive të saj duke dëmtuar kështu edhe një numër të konsiderueshëm shtetasish që janë të rregullt në shlyerjen e detyrimeve kundrejt faturave gjë që vërtetohet me librezat dhe dokumentacionin përkatës.

Ndaj ankesave të mësipërme përgjigja e drejtuesve të KESH-it se masa e kufizimeve të tilla varet nga përqindja e arkëtimeve në shkallë qyteti, bashkie apo komune nuk është e ligjshme sepse kontrata midis qytetarit dhe KESH-it është individuale dhe jo kolektive.

KSHH i bën thirrje KESH-it të respektojë kontratën në të gjithë treguesit e saj. Ne i bëjmë thirrje gjithashtu të gjithë shtetasve që të plotësojnë detyrimet e tyre kontraktuale.

Vlen të përmendet se pasojat e kufizimeve të energjisë elektrike, veç të tjerave kanë ndikuar negativisht edhe në veprimtarinë e biznesit, në sektorin e shëndetësisë dhe arsimit, në furnizimin normal dhe në kohë me bukë dhe ujë.

KSHH tërheq gjithashtu vëmendjen se ka patur edhe ankesa nga disa familjarë se si pasojë e luhatjeve në tensionin elektrik u janë dëmtuar ose nxjerrë jashtë përdorimit pajisjet shtëpiake elektrike si TV, kompiuter, kondicionerët, etj.

KSHH i sugjeron KESH-it që edhe këtë problem ta shikojë me seriozitet dhe objektivitetin e duhur për të konkretizuar shkakun e vërtetë të këtyre pasojave. Ruajtja ose sigurimi i kabinave elektrike nuk është detyrë e shtetasve. Ata mund të përgjigjen vetëm kur dëmi është shkaktuar për fajin e tyre.

Në përfundim, KSHH e shikon të nevojshëm t’u sugjerojë drejtuesve të KESH-it në qendër dhe në bazë, që me përjashtim të defekteve të paparashikuara ose të forcës madhore, të marrin masat përkatëse për një furnizim më të rregullt me energji elektrike. Në këtë drejtim do të ndihmonte shpejtimi i vendosjej së aparaturave matëse për çdo familje ose individ. Kjo do t’i jepte fund edhe faturimeve aforfe.

KSHH mendon gjithashtu se pavarësisht nga vështirësitë objektive, kërkohet më tepër transparencë si edhe verifikime në vend të ankesave të shumta dhe të përditshme duke mos nënvleftësuar ato të komunave dhe fshatrave të veçantë.