Integrimi i Shqipërisë dhe shoqëria civile  Emigrantët  Media  Zgjedhjet  Të miturit  Minoritetet  Policia  Edukimi ligjor  Shërbimi ligjor  Burgjet dhe vendet e paraburgimit  Shëndeti dhe të drejtat e njeriut  Ekzekutimi i vendimeve gjyqësore  Letra të KSHH  Informacione të tjera  PROJEKTE  RAPORTE  DEKLARATA

   ZGJEDHJET PARLAMENTARE

STRATEGJIA 2007-2010

  TAKIME KESHILLIMORE

Të mos cënohet imazhi i Kuvendit të Shqipërisë

Tiranë, më 3 mars 2006 

Komiteti Shqiptar i Helsinkit e quan për detyrë të bëhet interpret i shqetësimit të thellë të opinionit të gjerë publik për kthesën e papritur që kanë marrë këto ditë punimet në Kuvend. Është e kuptueshme që forcat politike, ato të mazhorancës dhe të opozitës, të ballafaqohen për probleme të mprehta të zhvillimit të vendit. Një ndër këto probleme që merr rëndësi të dorës së parë në momentin aktual është padyshim lufta kundër korrupsionit dhe kriminalitetit.

Pikërisht kjo ka qenë tema në të cilën është përqëndruar debati i fundit në organin e lartë ligjvënës. Por përballë gjendjes që është krijuar, është e ligjshme të konkludohet se debati i ka kapërcyer caqet e një ballafaqimi normal. Forcat politike duhet t’i bëjnë thirrje më tepër arsyes për të mos cënuar imazhin e Kuvendit jo vetëm përpara opinionit të vendit, por edhe atij ndërkombëtar. Pa mohuar mprehtësinë e problemit të shtruar, rrethet e gjera brenda, por edhe jashtë, presin që palët të gjejnë gjuhën e përbashkët dhe të zgjidhin problemet me dialog konstruktiv në mënyrë që debati të mos degjenerojë në një përplasje pa rrugëdalje. Në rrethanat e krijuara kërkohet më tepër gjakftohtësi dhe më tepër tolerancë, përndryshe situata mund të dalë jashtë kontrollit. Kërkohet që palët t’i përmbahen rigorozisht standardeve demokratike dhe normave të shtetit ligjor. Ato duhet të reflektojnë thellë për përgjegjësinë e madhe që kanë për paqen dhe mbarëvajtjen e shoqërisë sonë.

KSHH shpreh besimin se marrëdhëniet midis mazhorancës dhe opozitës nuk do të çojnë në krizë dhe  forcat politike do të tregojnë maturi dhe pjekuri për të zgjidhur situatën e krijuar me kulturë dhe në respekt të shtetit të së drejtës.