Integrimi i Shqipërisë dhe shoqëria civile  Emigrantët  Media  Zgjedhjet  Të miturit  Minoritetet  Policia  Edukimi ligjor  Shërbimi ligjor  Burgjet dhe vendet e paraburgimit  Shëndeti dhe të drejtat e njeriut  Ekzekutimi i vendimeve gjyqësore  Letra të KSHH  Informacione të tjera  PROJEKTE  RAPORTE  DEKLARATA

   ZGJEDHJET PARLAMENTARE

STRATEGJIA 2007-2010

  TAKIME KESHILLIMORE

Zvarritje me pasoja

Tiranë, më 6 dhjetor 2005

Komiteti Shqiptar i Helsinkit, Grupi Shqiptar i të Drejtave të Njeriut dhe Qendra Shqiptare për të Drejtat e Njeriut bashkohen me shqetësimin e një pjese të qytetarëve të Tiranës se në disa rrugë të bllokuara, siç janë kalimi tek “Zogu i Zi” në rrugën e Elbasanit etj, po hasin në vështirësi të mëdha kalimi sidomos tani në stinën e dimrit. Pikërisht, për këtë shkak është rënduar së tepërmi edhe trafiku i makinave gjë që mund të shoqërohet me pasoja të dëmshme. Është për të ardhur keq se në vend që kësaj situate t’i jepet fund, zëdhënësi i Ministrisë së Transporteve dhe ai i Bashkisë së Tiranës organizojnë konferenca  shtypi ku jepen deklarata me akuza të ndërsjellta.

Deklarata të tilla nuk i shërbejnë qetësimit të qytetarëve, përkundrazi tek ata krijohet indinjatë dhe zemërim.

Komiteti Shqiptar i Helsinkit, Grupi Shqiptar i të Drejtave të Njeriut dhe Qendra Shqiptare për të Drejtat e Njeriut mendojnë se organet përkatëse shtetërore duhet të jenë transparente ndaj shtetasve. T’u thuhet atyre qartë dhe prerë se çfarë është vendosur. Do të anullohen punimet e filluara apo ato do të zhbllokohen dhe kur.

Komiteti Shqiptar i Helsinkit, Grupi Shqiptar i të Drejtave të Njeriut dhe Qendra Shqiptare për të Drejtat e Njeriut mbështetin qëndrimet dhe veprimet për zbatimin rigoroz të ligjit dhe akteve të tjera nënligjore në fuqi, por në rastin konkret, kjo nuk justifikon zvarritjen pa fund të problemit. Në fund të fundit, vetë pezullimi është një masë e përkohshme, por edhe në raste të tilla, pasojat duhet të parandalohen, të reduktohen.

Le të vihen para përgjegjësisë ligjore cilido që ka shkelur ligjin, por shtetasit nuk mund të qëndrojnë në pritje derisa të gjendet fajtori.

Komiteti Shqiptar i Helsnikit

Grupi Shqiptar i të Drejtave të Njeriut

Qendra Shqiptare për të Drejtat e Njeriut