Integrimi i Shqipërisë dhe shoqëria civile  Emigrantët  Media  Zgjedhjet  Të miturit  Minoritetet  Policia  Edukimi ligjor  Shërbimi ligjor  Burgjet dhe vendet e paraburgimit  Shëndeti dhe të drejtat e njeriut  Ekzekutimi i vendimeve gjyqësore  Letra të KSHH  Informacione të tjera  PROJEKTE  RAPORTE  DEKLARATA

   ZGJEDHJET PARLAMENTARE

STRATEGJIA 2007-2010

  TAKIME KESHILLIMORE

Konfliktet zgjidhen jo me dhunë por me dialog

Tiranë, më 16 Mars 2006                         

Komiteti Shqiptar i Helsinkit, nëpërmjet ekranit televiziv, ndoqi me shqetësim dhe keqardhje të thellë ngjarjen e dhunshme dhe të turpshme para hyrjes së Parlamentit midis Gardës së Republikës dhe deputetëve të opozitës.

Pa hyrë aspak në detajet që provokuan këtë ngjarje, KSHH-ja dënon veprimet  e  ndalimit të deputetëve të opozitës për të hyrë në ambjentet e Parlamentit. Ata janë përfaqësuesit legjitimë të popullit dhe gëzojnë imunitet parlamentar.

KShH-ja është në dijeni të masës disiplinore që Byroja e Kuvendit ka marrë ndaj deputetit Petro Koçi duke e përjashtuar atë për 15 ditë nga punimet e seancës parlamentare. Por kjo masë nuk nënkupton edhe ndalimin e tij për të hyrë lirisht në ambjentet e Kuvendit.

Sipas paragrafit të fundit të pikës 2 të nenit 66 të Rregullores së Kuvendit, në rast se deputeti Petro Koçi do të tentonte të hynte në sallën e seancës plenare ose të komisioneve, masa e marrë ndaj tij mund të dyfishohej.

KShH-ja e shikon të nevojshme të theksojë gjithashtu se sipas nenit 122 të Rregullores së Kuvendit, punonjësit e shërbimit të sigurisë në Kuvend jashtë sallës së seancave plenare, mund të veprojnë vetëm në përputhje me rregullat e përcaktuara nga Byroja e Kuvendit.

KShH-ja i bën thirrje Kuvendit dhe sidomos drejtuesve të tij, që të marrin masa përkatëse për të mos u përsëritur më ngjarje të kësaj natyre që dëmtojnë rëndë imazhin e vetë Kuvendit brenda dhe jashtë vendit.

KSHH ka bindjen se konfliktet zgjidhen vetëm me dialog dhe tolerancë në përputhje me Kushtetutën, ligjet dhe rregulloren e Kuvendit.