KSHH

TEL/FAX

++355(4)233671

Misioni I KSHH-së

Misioni kryesor I KSHH-së është vëzhgimi I respektimit të të drejtave dhe lirive të njeriut dhe reagimi për rivënien e tyre në vend, sensibilizimi I shtetasve mbi mbrojtjen e të drejtave dhe lirive të tyre; përmirësimi I legjislacionit dhe praktikës për zbatimin e ligjit nëpërmjet oponencave dhe rekomandimeve si në fazën e draftimit të tyre, ashtu edhe gjatë zbatimit të tyre.

KSHH konstaton se megjithë masat e marra, kriza energjetike, vazhdon të jetë serioze dhe tepër shqetësuese

17.11.2005

Komitet Shqiptar i Helsinkit konstaton se megjithë masat e marra, kriza energjetike që ka përfshirë gjithë vendin, vazhdon të jetë serioze, tepër shqetësuese me pasoja të rënda dhe të ndjeshme në dëm të interesave të ligjshme të shtetasve dhe të ekonomisë në tërësi.

Njerëzit nuk janë të qartë sa kohë do të vazhdojë kjo gjendje dhe cila do të jetë zgjidhja e saj në të ardhmen.

KSHH në këtë reagim publik mbështetet jo vetëm në të dhënat e shtypit, por edhe nga vëzhgimet në vend. Ne konstatojmë gjithashtu se deklaratat e ditëve të fundit për një kufizim të reduktuar deri në 40 përqind të energjisë elektrike nuk konkretizohen në praktikë si në Tiranë dhe aq më keq në qytetet e tjera dhe zonat urbane.

Është kjo arsyeja që KSHH e shikon me vend t’i bëjë thirrje qeverisë dhe në mënyrë të veçantë drejtuesve  të KESH-it që pavarësisht nga vështirësitë objektive, të jenë me transparente ndaj shtetasve kur bëjnë deklarata ose kur shpallin oraret e kufizimeve.

Në takimet që KSHH ka patur me shtetas të shtresave të ndryshme, studentë, pedagogë, punonjës të shëndetësisë, biznesmenë, etj., ka arritur në përfundimin se aktualisht atyre pak u intereson se kush mban përgjegjësi për gjendjen e krijuar. Ata duan drita, kërkojnë përmirësimin e situates, ndërsa fajtorët, kushdo qofshin ata vihen para përgjegjësisë ligjore.

KSHH-ja, megjithëse vlerëson përpjekjet që po bëhen për zbutjen e kësaj krize, sugjeron masa më të efektshme për kapërcimin e saj brenda një kohe sa më të shkurtër.