Integrimi i Shqipërisë dhe shoqëria civile  Emigrantët  Media  Zgjedhjet  Të miturit  Minoritetet  Policia  Edukimi ligjor  Shërbimi ligjor  Burgjet dhe vendet e paraburgimit  Shëndeti dhe të drejtat e njeriut  Ekzekutimi i vendimeve gjyqësore  Letra të KSHH  Informacione të tjera  PROJEKTE  RAPORTE  DEKLARATA

   ZGJEDHJET PARLAMENTARE

STRATEGJIA 2007-2010

  TAKIME KESHILLIMORE

Fajtorët të përgjigjen- Konflikti të parandalohet

Tiranë, më 23 Janar 2006

Sipas të dhënave të medias së shkruar dhe asaj elektronike, banorët e fshatit Nepravishtë (Gjirokastër) kanë protestuar kundër “Alfa-Glinës” kur kjo e fundit filloi të instalonte tubacionet për tërheqjen e ujit të pijshëm nga burimi i “Vrizit”.

Siç thuhet, nëpërmjet tubacioneve, prej këtej do të merreshin 4-6 litra ujë në sekondë që më vonë do të ambalazhohej. Sipas banorëve të këtj fshati, kjo ndërhyrje do të dëmtonte rëndë interesat e tyre aq më tepër se është pronë e shtetit dhe për nevoja të domosdoshme duhet të ishte marrë edhe pëlqimi i tyre.

Forcat e policisë dhe të ndërhyrjes së shpejtë shkuan në vendin e ngjarjes por në vend që ky konflikt të parandalohej përdorimi i dhunës nga ana e policisë e acaroi edhe më tej gjendjen. Pamjet filmike të transmetuara nga TV private paraqitën në mënyrë evidente përdorimin e dhunës mbi banorët që ndodheshin në protestë, megjithëse drejtuesit e policisë së Gjirokastrës kanë pretenduar se janë banorët që kanë qëlluar mbi forcat e rendit. Në këtë konfrontim, veç deputetit Vangjel Tavo, janë lënduar edhe 4-5  persona të tjerë.

KSHH reagon ndaj kësaj ngjarjeje që mund dhe duhet të parandalohej, sepse ky konflikt është i hershëm. KSHH reagon gjithashtu sepse disa herë na është dashur të denoncojmë publikisht keqtrajtimin e shtetasve nga punonjësit e policisë.

KSHH përshëndet me këtë rast vlerësimin e menjëhershëm të kësaj ngjarjeje nga Ministri i Brendshëm Z. Sokol Olldashi duke urdhëruar sqarimin e saj.

KSHH i sugjeron organeve të prokurorisë për hetimin me përparësi, me objektivitet dhe në mënyrë të gjithanshme të kësaj çështjeje. 

Meqë problem i ujit për të cilët banorët e Nepravishtës janë ngritur në protestë është jetike, i bëjmë thirrje qeverisë dhe organeve të qeverisjes vendore që të udhëzojnë dhe të marrin masat për parandalimin e këtij konflikti që mund të shoqërohet me pasoja të dëmshme.

KSHH e shikon të nevojshme të evidentojë gjithashtu pretendimet e deputetit Vangjel Tavo dhe kryetarit të komunës, Krenar Kulla se punimet që po kryheshin ishin të paligjshme pasi firma nuk kishte marrë lejen përkatëse ndërkohë që kjo çështje vazhdon të jetë objekt shqyrtimi në Gjykatë.