Integrimi i Shqipërisë dhe shoqëria civile  Emigrantët  Media  Zgjedhjet  Të miturit  Minoritetet  Policia  Edukimi ligjor  Shërbimi ligjor  Burgjet dhe vendet e paraburgimit  Shëndeti dhe të drejtat e njeriut  Ekzekutimi i vendimeve gjyqësore  Letra të KSHH  Informacione të tjera  PROJEKTE  RAPORTE  DEKLARATA

   ZGJEDHJET PARLAMENTARE

STRATEGJIA 2007-2010

  TAKIME KESHILLIMORE

Problem që kërkon zgjidhje urgjente

 Ka disa ditë që në median e shkruar dhe në atë elektronike jepen njoftime për shqetësimin që u është krijuar pensionistëve, invalidëve dhe veteranëve lidhur me mostërhejqjen e barnave me rimbursim në bazë të recetave mjekësore. Komiteti Shqiptar i Helsinkit e ka ndjekur nga afër këtë problem. Ai ka dëgjuar edhe ankesat e disa shtetasve. KSHH është njohur gjithashtu edhe me pretendimet e farmacistëve se Instituti i Sigurimeve të Kujdesit Shëndetësor nuk ka kaluar në favorin e tyre shuma të konsiderueshme, vlerë e recetave të rimbursuara.

Fakti që Instituti i Kujdesit Shëndetësor rezulton me një defiçit (borxh financiar) të llogaritur me miliona dollarë, nuk mund të justifikojë sorollatjen dhe mossigurimin me barnat e nevojshme të rimbursuara, të shtetasve që ligjërisht e gëzojnë këtë të drejtë.

KSHH mendon se abuzimet e ndryshme që në këtë drejtim mund të jenë kryer nga zyrtarë, mjekë, farmacistë apo pacientë të veçantë, nuk mund të justifikojnë gjithashtu vonesat në zgjidhjen e këtij problemi kur dihet se kjo rëndon shëndetin e një shtrese të gjerë të popullatës që janë në nevojë.

Është kjo arsyeja që KSHH i bën thirrje qeverisë, Ministrisë së Shëndetësisë, Ministrisë së Financave dhe Institutit të Kujdesit Shëndetësor që krahas masave për vënien para përgjegjësisë ligjore të personave shkaktarë të kësaj gjendjeje, të urdhërojnë zbatimin me rigorozitet të akteve ligjore që garantojnë rimbursimin e barnave për kategori të caktuar të shtetasve. Në të kundërtën, çdo zvarritje ose neglizhencë do të dëmtonte interesat e ligjshme të shtetasve dhe si rrjedhim shëndetin e tyre.