KSHH

TEL/FAX

++355(4)233671

Misioni I KSHH-së

Misioni kryesor I KSHH-së është vëzhgimi I respektimit të të drejtave dhe lirive të njeriut dhe reagimi për rivënien e tyre në vend, sensibilizimi I shtetasve mbi mbrojtjen e të drejtave dhe lirive të tyre; përmirësimi I legjislacionit dhe praktikës për zbatimin e ligjit nëpërmjet oponencave dhe rekomandimeve si në fazën e draftimit të tyre, ashtu edhe gjatë zbatimit të tyre.

Jo ndërprerjeve kolektive të energjisë elektrike

16.02.2004

Komiteti Shqiptar i Helsinkit vitin e kaluar ka reaguar publikisht për ndërprerjen kolektive të energjisë elektrike duke përfshirë këtu edhe persona që kanë qënë të rregullt me detyrimin ligjor sipas kontratës. Ndaj këtij reagimi, Z. Andis Harasani Drejtori i Përgjithshëm i KESH-it, ju përgjigj pozitivisht duke mos e quajtur të drejtë masën e ndërprerjeve kolektive.

Mirëpo në shtypin e datave 14 dhe 16 Shkurt të këtij viti (përkatësisht në gazetat “Korrieri” dhe “Shekulli”) jepen të dhëna se këto masa vazhdojnë si në Vlorë ashtu edhe në Shkodër.

Duke marrë shkas nga kjo gjendje, Komiteti Shqiptar i Helsinkit i rikujton përfaqësuesve të KESH-it se përgjegjësia për mospagimin e faturave të energjisë elektrike është individuale, e bazuar kjo në kontratën e lidhur midis familjarëve ose subjekteve të veçantë dhe KESH-it.

Komiteti Shqiptar i Helsinkit i konsideron ndërprerjet kolektive të energjisë elektrike si shkelje të të drejtave të ligjshme të shtetasve dhe i bën thirrje Drejtorisë së Përgjithshme të KESH-it që t’i japë fund kësaj praktike që cënon në mënyrë të njëanshme kontatën dhe që shoqërohet me pasoja të dëmshme.

Komiteti Shqiptar i Helsinkit i bën thirrje KESH-it që duhet të marrë gjithashtu masa urgjente për pajisjen e të gjithë konsumatorëve të energjisë elektrike me aparatet matëse të nevojshme.

Me këtë rast Komiteti Shqiptar i Helsinkit i bën thirrje jo vetëm shtetasve, por edhe subjekteve shtetërore dhe private që në përputhje me kontratën të bëjnë shlyerjen e detyrimeve të tyre ndaj KESH-it në afatet e caktuara.