KSHH

TEL/FAX

++355(4)233671

Misioni I KSHH-së

Misioni kryesor I KSHH-së është vëzhgimi I respektimit të të drejtave dhe lirive të njeriut dhe reagimi për rivënien e tyre në vend, sensibilizimi I shtetasve mbi mbrojtjen e të drejtave dhe lirive të tyre; përmirësimi I legjislacionit dhe praktikës për zbatimin e ligjit nëpërmjet oponencave dhe rekomandimeve si në fazën e draftimit të tyre, ashtu edhe gjatë zbatimit të tyre.

Kontrolle dhe sekuestrime vetëm në bazë të ligjit

20.01.2004

Pas tragjedisë së 9 Janarit 2004, në disa qytete të vendit janë kryer kontrolle dhe sekuestrime në një numër të konsiderueshëm objektesh. Komiteti Shqiptar i Helsinkit nuk paragjykon veprimet e mësipërme sidomos kur ato synojnë goditjen e krimit të organizuar dhe parandalimin e tij.

Megjithatë, duke patur parasysh se ky është një operacion i menjëhershëm dhe me shtrirje relativisht të gjerë, ekziston edhe mundësia e mosrespektimit të përpiktë ë ligjit dhe si pasojë edhe mundësia e cënimit të lirive dhe të drejtave të shtetasve.

Nga njoftimet e dhëna, krijohet përshtypja se këto masa janë marrë kryesisht me inisiativën e policisë gjyqësore. Edhe po të jetë kështu, në vetvehte kjo nuk përbën shkelje ligjore, sepse në raste të veçanta, kur provat ose sendet që i përkasin veprës penale ka rrezik të ndryshohen ose të zhduken dhe kur prokurori nuk ka mundësi të ndërhyjë menjëherë, këtë të drejtë e ka edhe policia gjyqësore. Vlen të përmendet se sipas Kodit të Procedurës Penale vendimet e sekuestrimeve në rastet e parashikuara me ligj, si rregull merren nga Gjykata ose Prokurori.

Është kjo arsyeja që KSHH u sugjeron prokurorëve të rretheve përkatëse që në vlerësimin e ligjshmërisë së veprimeve të kryera nga policia gjyqësore të kenë parasysh edhe faktin nëse rasti i shqyrtuar ka qenë i ngutshëm ose jo. Sipas njoftimit të shtypit, më 19 Janar 2004, Prokurori i Tiranës vendosi të heqë sekuestron për bar “Venecia” dhe “Tirana”. Kjo tregon se këto masa nuk kanë qenë të rregullta dhe të bazuara.

KSHH i sugjeron gjithashtu edhe Prokurorisë së Përgjithshme që t’i japë përparësi ndjekjes së këtij problemi me qëllim që prokuroritë e rretheve në çdo rast të zbatojnë me rigorozitet ligjin.

Në përfundim, e shikojmë të nevojshme të theksojmë se lidhur me sekuestrimet e kryera nga policia gjyqësore dhe eventualisht edhe me vendimet e prokurorit, individë të veçantë të interesuar, mund të kenë ankesa apo pretendime të ndryshme. Në këto raste ligji u njeh atyre të drejtën që brenda dhjetë ditëve të ankohen në gjykatë.