KSHH

TEL/FAX

++355(4)233671

Misioni I KSHH-së

Misioni kryesor I KSHH-së është vëzhgimi I respektimit të të drejtave dhe lirive të njeriut dhe reagimi për rivënien e tyre në vend, sensibilizimi I shtetasve mbi mbrojtjen e të drejtave dhe lirive të tyre; përmirësimi I legjislacionit dhe praktikës për zbatimin e ligjit nëpërmjet oponencave dhe rekomandimeve si në fazën e draftimit të tyre, ashtu edhe gjatë zbatimit të tyre.

TË RESPEKTOHET LIRIA E MEDIAS

 Më 8 maj 2005, policia bashkiake e rrethit Korçë, ka kryer një bllokim të aktivitetit të një lokali privat të qytetit të Korçës. Dy gazetarë dhe dy operatorë të televizioneve lokale të Korçës ishin duke filmuar veprimet e Policisë Bashkiake.  Z.Ardian Shehu, kreu i policisë bashkiake të rrethit Korçë nuk ka lejuar filmimin e veprimeve të policisë Bashkiake, madje ka përdorur dhunë ndaj znj. Juliana Dhimitri, e cila është edhe korrespondente e televizionit Top Channel dhe i ka hedhur njërit nga operatorëve kameran nga dora.

Komiteti Shqiptar të Helsinkit, nëpërmjet korrespondentes së tij në këtë qytet kontaktoi me gazetarët ndaj të cilëve ishte përdorur dhunë si dhe tentoi të kontaktonte disa herë me kreun e policisë bashkiake, z. Ardian Shehu, por nuk kishte mundur.

Duke marrë shkas nga fakti se ushtrimi i dhunës psikologjike ose fizike nga përfaqësues të autoriteteve shtetërore kundrejt gazetarëve nuk është rasti i parë, KSHH-ja dënon dhunën e ushtruar ndaj përfaqësuesve të Medias së shkruar dhe asaj elektronike.

Moslejimi i medias së shkruar dhe asaj elektronike për të marrë informacion dhe si rrjedhim për t’ia transmetuar atë publikut të gjerë përfshirë këtu edhe aktivitetet e ndryshme shtetërore, politike dhe shoqërore, është i papranueshëm në një shoqëri demokratike dhe pluraliste. Qëndrime të tilla kanë në vetvehte elementë censurimi dhe diskriminimi. Ato janë shkelje flagrante e së drejtës së informimit dhe lirisë së medias.