KSHH

TEL/FAX

++355(4)233671

Misioni I KSHH-së

Misioni kryesor I KSHH-së është vëzhgimi I respektimit të të drejtave dhe lirive të njeriut dhe reagimi për rivënien e tyre në vend, sensibilizimi I shtetasve mbi mbrojtjen e të drejtave dhe lirive të tyre; përmirësimi I legjislacionit dhe praktikës për zbatimin e ligjit nëpërmjet oponencave dhe rekomandimeve si në fazën e draftimit të tyre, ashtu edhe gjatë zbatimit të tyre.

VALË E RE KRIMINALITETI

07.05.2002 

Opinioni publik është i tronditur thellë nga një numër krimesh të rënda që kanë ndodhur kohët e fundit në qytete të ndryshme të vendit. Në krye të kësaj vale të re të kriminalitetit janë vrasjet makabre të kryera nga duar kriminale kundrejt qytetarëve të thjeshtë për motive të dobëta. Rasti më tronditës është ngjarja e Divjakës, ku u masakrua një familje e tërë.

Duhet pohuar se opinioni publik ndihet deri diku i zhgënjyer nga angazhimi i forcave të rendit për parandalimin e këtyre akteve të rënda që minojnë në themel sigurinë personale të qytetarëve. Organet përkatëse kanë dhënë siguri për një luftë të efektshme kundër kriminalitetit, por është e qartë se ato nuk qëndrojnë plotësisht përpara këtyre ngjarjeve.

Organet e rendit të vlerësojnë me kujdes dhe në kohë çdo sinjalizim që mund të marrin nga qytetarët dhe të veprojnë me shpejtësi për parandalimin e çdo situate që mund të degjenerojë në krime me pasoja të rënda.

Është e natyrshme që nuk është detyrë vetëm e organeve të rendit, por është edhe përgjegjësi e të gjitha organeve shtetërore që të bashkëpunojnë për të ndërmarrë një program të tërë masash për të ndalur dorën e keqbërësve. Gjithashtu, i bëjmë thirrje edhe organeve të tjera shtetërore që të rrisin bashkëpunimin e tyre me publikun për parandalimin dhe zgjidhjen e konflikteve që ndodhin në jetën tonë të përditshme.