KSHH

TEL/FAX

++355(4)233671

Misioni I KSHH-së

Misioni kryesor I KSHH-së është vëzhgimi I respektimit të të drejtave dhe lirive të njeriut dhe reagimi për rivënien e tyre në vend, sensibilizimi I shtetasve mbi mbrojtjen e të drejtave dhe lirive të tyre; përmirësimi I legjislacionit dhe praktikës për zbatimin e ligjit nëpërmjet oponencave dhe rekomandimeve si në fazën e draftimit të tyre, ashtu edhe gjatë zbatimit të tyre.

KSHH i konsideron pagesat aforfe të KESH si të pabazuara në ligje

21.04.2004

Komiteti Shqiptar i Helsinkit si organizatë për mbrojtjen dhe respektimin e të drejtave të shtetasve, ka reaguar herë pas here lidhur  me cënimin e të drejtave të shtetasve nga administrata publike.

Shqetësim ka qenë mospërmbushja e detyrimeve nga ana e Koorporatës Elektroenergjitike Shqiptare (KESH) ndaj qytetarëve me të cilët ka lidhur kontrata. Kjo është vërtetuar në ndërprerjet e energjisë pas kriter, në mënyrë  kolektive, në faturime jo të sakta, në favorizimet e disa qytetarëve nga faturuesit, etj.

Ende sot, mjaft qytetarë vazhdojnë të paguajnë fatura për shpenzime të energjisë elektrike aforfe (me hamendje).

Komitetit Shqiptar të Helsinkit, lidhur me këtë shqetësim i kanë ardhur ankesa nga qytetarë të rretheve të ndryshme. Ky problem është trajtuar herë pas here edhe në median e shkruar dhe në atë elektronike.

Në përgjigje të këtyre ankesave, KSHH u ka premtuar se do të shpejtojë procesin e vënies së aparateve matëse. Komiteti Shqiptar i Helsinkit konstaton se në vendosjen e këtyre aparaturave ka nënvleftësim dhe avashllëk.

KSHH i konsideron pagesat aforfe si të pabazuara në ligje, arbitrare dhe si pasojë, cënim të të drejtave të ligjshme të shtetasve.

KSHH i bën thirrje KESH-it që t’i japë përparësi zgjidhjes së këtij problemi dhe me transparencë të publikojë afatet e përfundimit të këtij detyrimi kontraktual.