KSHH

TEL/FAX

++355(4)233671

Misioni I KSHH-së

Misioni kryesor I KSHH-së është vëzhgimi I respektimit të të drejtave dhe lirive të njeriut dhe reagimi për rivënien e tyre në vend, sensibilizimi I shtetasve mbi mbrojtjen e të drejtave dhe lirive të tyre; përmirësimi I legjislacionit dhe praktikës për zbatimin e ligjit nëpërmjet oponencave dhe rekomandimeve si në fazën e draftimit të tyre, ashtu edhe gjatë zbatimit të tyre.

Takime me përfaqësues të shtetit

Njoftim për Shtyp

Rreth takimi të përfaqësuesve të Komitetit Shqiptar të Helsinkit me z. Leonard Solis, Ministër i shëndetësisë dhe disa drejtues të tjerë të Ministrisë së shëndetësisë

29.01.2004

Duke marrë shkas nga shqetësimet e shumta të pacienteve të sëmurë me sëmundje kronike, me 23 Janar 2004, Komiteti Shqiptar i Helsinkit ndërmorri një mision vëzhgimi në Spitalin Onkologjik në Tiranë.  Nga takimet me mjekë dhe pacientë mësuan se në këtë spital kishte mjaft probleme që lidheshin me shërbimin shëndetësor, të cilat cënonin drejtëpërdrejtë të drejtat e pacientëve dhe shendetin  e tyre.

Problemet më të mprehta të konstatuara dhe të ngritura në takim ishin:  

1. Mospërfitimi i shërbimit shëndetësor falas nga një numër i madh i shtetasve;

2. Prishja e aparatit të rrezeve për të sëmurët me kancer (here aparati i kobaltit e kësaj rradhe aparati “ortovoltash”)

3. Mungesa e medikamenteve citostatike që frenojnë rritjen e qelizave kanceroze tek të sëmurët;

4. Mosrimbursimi i një pjesë të mjekimeve të cilat për këta të sëmurë janë shumë të shtrenjtë.

Në takim, përveç problemeve të mësipërme, nga ana e Komitetit u shtruan edhe shkeljet e disa të drejtave të tjera:

•  Mosrealizmimi i së drejtës së kujdesit shendetësor falas për nënën dhe fëmijën;

• Mosigurimit të barnave nga spitalet, kur personi është i shtruar;

• Trarjtimi i të sëmurëve psikikë që mbahen në spitalin e burgut;

• Probleme të tjera që lidhen me etikën profesionale dhe rastet abuzime me barnat.

 Komiteti Shqiptar i Helsinkit vlerëson gatishmërinë dhe seriozitetin e organizimit të takimit me Z. Solis dhe me disa pjesëtarë të stafit drejtues të Ministrisë së Shëndetësisë dhe faktin që problemet e parashtruara nga ky komitet u morën në considerate.

Pas paraqitjes së problemeve dhe shkëmbimit të mendimeve u arrit në këto përfundime:

1. Nga ana e Ministrisë së Shëndetësisë u pranua fakti se një numër i konsiderueshëm shtetasish nuk përfitojnë nga shërbimi shëndetësor falas, për shkak të mosfunksionimit të një skemë më të studiuar të sigurimeve shëndetësore  si dhe rasteve të veprimeve abuzive;

2. Lidhur me përmirësimin e shërbimit në spitalit onkologjik të Tiranës, u evidentua fakti se së shpejti do të bëhen investime të konsiderueshme. Përveç kësaj, ky spitali do të paiset më një aparat shtesë modern gjë që do të krijojë mundësi të mjekimit të pandërprerë të pacientëve;

3. Lidhur me mungesën e medikamenteve citostatike, u informuan se ky problem do të marrë zgjidhje së shpejti;

4. Përsa i përket rimbursimit të mjekimeve për këta të sëmurë së shpejti do të përgatiten dispozita të reja në favor të pacientëve;

5. Ashtu sikurse e ka evindetuar edhe KSHH-ja gjatë këtyre viteve legjislacioni në fushën e shëndetësisë ka pësuar përmirësime të ndjeshme, por një problem mjaft i mprehtë është zbatimi i këtij legjislacioni dhe efikasiteti i strukturave ekzistuese për të kontrolluar zbatimin e ligjeve dhe akteve të tjera nënligjore në fushën e shëndetësisë si dhe respektimin e urdhërit të mjekut. Megjithatë, të dy palët ishin të mendimit se në disa drejtimi legjislacioni ka nevojë për përmirësime të ndjeshme.

6. Përsa i përket të sëmurëve mendore në spitalin e burgut, u premtua se ky problem do të rishikohet.

7. Lidhur me etikën profesionale dhe respektimin e të drejtave të pacientëve, u shpreh mendimi se ky është një problem që meriton trajtim të veçantë dhe kontrolle të vazhdueshme si dhe vlerësim më të mirë të ankesave të shtetasve.

8. Komiteti Shqiptar i Helsinkit sygjeron shpejtimin e miratimit të kartës së të drejtave të pacientit, projekti i së cilës është përgatitur dhe të vënies në funksion të një skeme më të mi rë të përfitimeve të sigurimeve shëndetësore në spitale.

9.  Komiteti Shqiptar i Helsinkit edhe në të ardhmen do të jetë i ndjeshëm ndaj shkeljeve të vërtetuara në sektorin e shëndetësisë sidomos në drejtim të respektimit të etikës mjekësore dhe shërbimit me kohë dhe më efikasitet të pacientëve, duke i kushtuar vëmendje parandalimit të shkeljeve dhe abuzimeve. Në këtë drejtim një kujdes i veçantë do ti kushtohet sensiblizmit të publikut dhe veprimtarive të tjera për përmirësimin e legjislacionit dhe respektimit më të mirë të të drejtave të shtetasve.