|
Janar 2006 KSHH realizoi një vetvlerësim të
punës së organizatës
Forcimi organizativ dhe
hartimi i strategjisë të re për periudhën 2007-2010
Në kuadër të forcimit
organizativ dhe hartimit të strategjisë të re për periudhën 2007-2010, gjatë
muajit janar 2006 KSHH realizoi një vetvlerësim të punës së organizatës. Në
këtë proces vetvlerësimi u angazhua gjithë stafi i KSHH-së dhe ai u asistua nga
një ekspert hollandez. Qëllimi i këtij vet-vlerësimi ishte përmirësimi i punës
së organizatës nëpërmjet vënies në pah të pikave të forta dhe të dobëta të
organizatës, analizës së situatës së të drejtave të njeriut në të cilën vepron
organizata, analizës së burimeve njerëzore, vizionit, vlerave të tyre,
krahasimit të rezultateve të veprimtarisë me burimet e përdorura, evidentimit të
vështirësive në punën e organizatës shoqëruar me rekomandimet përkatëse për
kapërcimin e tyre dhe përmirësimin e punës në të ardhmen.
Vlerësimi i organizatës kaloi në dy faza:
Gjatë
fazës së parë u bë vetvlerësimi i organizatës nga stafi i saj. Metodologjia e
përdorur ishte hartimi i një pyetësori i cili mbulonte çështje që kishin të
bënin me punën e organizatës, funksionimin e strukturave të saj, si edhe
komunikimin e brendshëm dhe të jashtëm. Ky pyetësor u hartua në bazë të
standardeve të përcaktuara nga Fondacioni Evropian për Drejtim Cilësor.
Gjatë
fazës së dytë u bë një monitorim i procesit të vetvlerësimit dhe një vlerësim i
jashtëm i organizatës nga eskperti i jashtëm i cili realizoi takime me stafin,
anëtarë të Asamblesë dhe të Bordit të KSHH-së. Gjithashtu ai realizoi një sërë
takimesh me përfaqësues të OJF-ve shqiptare, organizatave ndërkombëtare dhe
institucioneve shtetërore, bashkëpunëtorë të KSHH-së.
Në
përfundim të këtij procesi u përgatit një raport nga vetë stafi i KSHH-së dhe
një raport tjetër do të përgatitet nga eksperti i jashtëm. Ky vetvlerësim u krye
në kuadër të projektit Ngritja e kapaciteteve të organizatës dhe forcimi i
organizimit të brendshëm, mundësuar financiarisht nga Organizata Katolike për
Ndihmë dhe Zhvillim CORDAID
KSHH
falenderon CORDAID për mbështetjen dhe financimin e kësaj nisme.
|
