KSHH

TEL/FAX

++355(4)233671

Misioni I KSHH-së

Misioni kryesor I KSHH-së është vëzhgimi I respektimit të të drejtave dhe lirive të njeriut dhe reagimi për rivënien e tyre në vend, sensibilizimi I shtetasve mbi mbrojtjen e të drejtave dhe lirive të tyre; përmirësimi I legjislacionit dhe praktikës për zbatimin e ligjit nëpërmjet oponencave dhe rekomandimeve si në fazën e draftimit të tyre, ashtu edhe gjatë zbatimit të tyre.

Konferencë për shtyp - JO Torturës
26 Qershori - Dita e Kombeve të Bashkuara kundër Torturës

 

Tiranë, më 25.06.2003

Me rastin e 26 qershorit, ditës të Konventës së Kombeve të Bashkuara kundër Torturës, Komiteti Shqiptar i Helsinkit, Qendra Shqiptare e Rehabilitimit të Traumës dhe Torturës dhe Fushata MJAFT organizojnë një konferencë për shtyp.

Nën regjimin komunist tortura dhe format e keqtrajtimit praktikoheshin gjerësisht, veçanërisht ndaj të dënuarve politikë.  Sot, edhe pse situata ka ndryshuar rrënjësisht, kanë ndodhur jo rrallë shkelje të parimeve dhe dispozitës kushtetuese lidhur me torturën, dënimin ose trajtimin mizor, çnjerëzor ose poshtërues.

Me anë të kësaj konference, tre organizatat bashkarisht i drejtohen strukturave shtetërore, shoqërisë civile në vend si dhe publikut shqiptar në përgjithësi me synimin për të risjellë në qendër të vëmendjes fenomenin e torturës.

Konferenca zhvillohet në ambjentet e Qendrës Linkoln në adresën    Rr. Ismail Qemali, (përballë Bankës Amerikane) Tiranë, ditën e enjte, dt. 26 qershor 2003, ora 11:00.