KSHH

TEL/FAX

++355(4)233671

Misioni I KSHH-së

Misioni kryesor I KSHH-së është vëzhgimi I respektimit të të drejtave dhe lirive të njeriut dhe reagimi për rivënien e tyre në vend, sensibilizimi I shtetasve mbi mbrojtjen e të drejtave dhe lirive të tyre; përmirësimi I legjislacionit dhe praktikës për zbatimin e ligjit nëpërmjet oponencave dhe rekomandimeve si në fazën e draftimit të tyre, ashtu edhe gjatë zbatimit të tyre.

Transparenca është e domosdoshme

01.06.2004

Këto ditët e fundit, në shtypin e përditshëm janë dhënë njoftime për reagime të shumta lidhur me një projekt-marrëveshjeje midis Qeverisë Shqiptare dhe një firme italiane për importimin, riciklimin dhe asgjësimin e mbetjeve të ngurta.

Është e vërtetë se Kuvendi i Republikës së Shqipërisë ka miratuar ligjin Nr. 9010, datë 13.02.2003 “Për administrimin e mjedisor të mbetjeve të ngurta”, por problemi i importimit të tyre është i mbarsur me risqe që mund të jenë të dëmshme për jetën dhe shëndetin e shtetasve tanë.

KSHH në këtë drejtim, ka parasysh jo vetëm faktin se në territorin e vendit tonë ka mjaft mbetje të tilla që është e domosdoshme të asgjësohen, por edhe nivelin e teknikave dhe teknologjisë që aktualisht ne disponojmë dhe që siç dihet, lë mjaft për të dëshiruar.

KSHH nuk paragjykon projekt-marrëveshjen, aq më tepër se nuk është njohur me përmbajtjen e saj. Megjithatë, KSHH e shikon të nevojshme t’i bëjë thirje Qeverisë që për efekte transparence, të japë sqarime publike mbi përmbajtjen e kësaj projekt-marrëveshjeje, aq më tepër sepse në nenin 26 i ligjit nr. 9010 që përmendëm më lart thuhet se: “Në Republikën e Shqipërisë ndalohet importimi i mbetjeve për ruajtje, depozitim ose asgjësim”.

KSHH i bën thirrje gjithashtu Ministrisë së Mjedisit që të zbatojë me rigorozitet nenin 29 pika 2 të ligjit ku theksohet se:”Ministria e Mjedisit është autoriteti përgjegjës kombëtar dhe bashkërendues i të gjitha marrëveshjeve ndërkombëtare për administrimin mjedisor të mbetjeve në të cilat Republika e Shqipërisë është palë”.