Integrimi i Shqipërisë dhe shoqëria civile  Emigrantët  Media  Zgjedhjet  Të miturit  Minoritetet  Policia  Edukimi ligjor  Shërbimi ligjor  Burgjet dhe vendet e paraburgimit  Shëndeti dhe të drejtat e njeriut  Ekzekutimi i vendimeve gjyqësore  Letra të KSHH  Informacione të tjera  PROJEKTE  RAPORTE  DEKLARATA

   ZGJEDHJET PARLAMENTARE

STRATEGJIA 2007-2010

  TAKIME KESHILLIMORE

Zgjedhjet: Vonesa me pasoja

Tiranë, më 5 Prill 2006

1. Duke patur parasysh se ka afro 5 muaj që jemi njohur me raportin dhe rekomandimet e OSBE/ODIHR-it lidhur me zgjedhjet e 3 korrikut 2005, si edhe faktin se Komisioni i Posaçëm Parlamentar për reformën zgjedhore nuk ka hedhur asnjë hap konkret,

2.  Duke patur parasysh se më datën 31 Mars 2006 ka mbaruar mandati i tre anëtarëve të KQZ-së si edhe faktin se në muajin dhjetor të këtij viti ose në janar të vitit 2007 zhvillohen zgjedhjet e organeve të qeverisjes vendore,

3.  Duke patur parasysh se ndryshimet në legjislacionin zgjedhor nuk rekomandohet të bëhen në periudhën 6 mujore para zgjedhjeve, si edhe faktin se Kodit Zgjedhor në fuqi duhet t’i bëhen ndryshime të rëndësishme,

Komiteti Shqiptar i Helsinkit e shikon të nevojshme t’i drejtohet edhe një herë Kuvendit të Shqipërisë dhe gjithë partive parlamentare me thirrjen: Me dialog dhe mirëkuptim merrni masa për kapërcimin me urgjencë të ngërçit parlamentar që ka cënuar në mënyrë të ndjeshme reputacionin e vetë organit të lartë ligjvënës. Në të kundërtën ndryshimet e nxituara në Kodin Zgjedhor mund të shoqërohen me pasoja të rënda si për përgatitjen e aspekteve të ndryshme të procesit zgjedhor, edhe në arritjen e standardeve që kërkohen.

KSHH mendon se asnjë forcë politike por në radhë të parë dy partitë e mëdha të pozitës dhe opozitës, pavarësisht nga akuzat e ndërsjella, nuk mund të justifikojnë këtë gjendje në vazhdim shqetësuese.

KSHH e shikon me vend që me këtë rast të evidentojë faktin se Presidenti i Republikës së Shqipërisë dhe organizatat ndërkombëtare kanë dhënë sinjale domethënëse të këtij shqetësimi, ndërsa elektorati ndjek me vëmendje qëndrimin e përfaqësuesve të tij.