Integrimi i Shqipërisë dhe shoqëria civile  Emigrantët  Media  Zgjedhjet  Të miturit  Minoritetet  Policia  Edukimi ligjor  Shërbimi ligjor  Burgjet dhe vendet e paraburgimit  Shëndeti dhe të drejtat e njeriut  Ekzekutimi i vendimeve gjyqësore  Letra të KSHH  Informacione të tjera  PROJEKTE  RAPORTE  DEKLARATA

   ZGJEDHJET PARLAMENTARE

STRATEGJIA 2007-2010

  TAKIME KESHILLIMORE

Akuzat e ndërsjella nuk jusitifikojnë vonesat në përmirësimin e legjislacionit zgjedhor

15.02.2006

Komiteti Shqiptar i Helsinkit me keqardhje konstaton se qysh nga publikimi i raportit të OSBE/ODIHR-it të 7 Nëntorit 2005 lidhur me zgjedhjet parlamentare të 3 korrikut 2005, me përjashtim të krijimit të komisionit të posaçëm paralmentar, nuk është hedhur asnjë hap konkret.

Gati të gjitha forcat politike janë shprehur për zbatimin e rekomandimeve të OSBE/ODIHR-it, por deri më sot ato nuk kanë kaluar kufijtë e deklaratave të përgjithshme.

Partitë e vogla kanë pretendime ndaj dy partive më të mëdha që kërkojnë të dominojnë vendimmarrjen për interesa të ngushta partiake, ndërsa dy partitë më të mëdha për këtë zvarritje vazhdojnë të bëjnë akuza të ndërsjella.

Për KSHH-në qëndrime të tilla janë vazhdë e së kaluarës. Ato janë shprehje e mungesës së vullnetit politik. Në të gjitha raportet e OSBE/ODIHR-it edhe pse janë bërë rekomandime për ndryshime në Kodin Zgjedhor vazhdimisht është vënë theksi tek mungesa e vullnetit politik.  Është pikërisht mungesa e këtij vullneti që ka ndikuar negativisht edhe në zgjedhjet e ndershme, si rrjedhim në mosarritjen e standardeve që kërkohen.

KSHH e konsideron urgjente vënien sa më shpejt në funksion të komisionit të posaçëm parlamentar për reformën zgjedhore.

KSHH është i ndërgjegjshëm për nevojën e intensifikimit të reformave, veçanërisht në disa fusha prioritare. Megjithatë, ne mendojmë se reforma në fushën e legjislacionit zgjedhor është e një rëndësie të veçantë.

Të gjithë pranojnë deformimin e vullnetit të zgjedhjeve për shkak të fenomenit të “Dushkut”. E megjithatë, deri më sot, asgjë konkrete nuk është sugjeruar për parandalimin e tij. Mund të diskutohet për nevojën e ndryshimeve në sistemin zgjedhor, ose për ndërhyrje të tjera në Kushtetutë, por nëse zvarritet përgatitja për zgjedhjen e organeve të qeverisjes vendore pasojat mund të jenë të dëmshme sepse mund të vihet në pikëpyetje garantimi i zgjedhjeve sipas standardeve ndërkombëtare.

Në këtë drejtim KSHH ka parasysh faktin se nuk është e rekomandueshme që në Kodin Zgjedhor të bëhen ndryshime gjatë periudhës 6 mujore para zgjedhjeve.

KSHH e shikon të nevojshme t’i bëjë thirrje parlamentit që është organi më i lartë ligjbërës dhe të gjithë partive parlamentare që kanë përfaqësuesit e tyre në komisionin e posaçëm për reformën zgjedhore që me mirëkuptim dhe tolerancë të zgjidhin çështjet që pjesërisht janë të karakterit procedurial.

Elektorati ndjek me vëmendje qëndrimet e çdo partie politike në këtë fushë. Ai është tepër i ndjeshëm dhe nuk pajtohet me vonesa që mund të ndikojnë në ecurinë normale të zgjedhjeve të ardhshme.

Do të jetë e pafalshme që edhe në zgjedhjet e qeverisjes vendore të konkludohet se zgjedhjet ishin të lira por nuk ishin të ndershme kur dihet se ndershmëria është elementi kryesor i standardeve që kërkohen.