KSHH

TEL/FAX

++355(4)233671

Misioni I KSHH-së

Misioni kryesor I KSHH-së është vëzhgimi I respektimit të të drejtave dhe lirive të njeriut dhe reagimi për rivënien e tyre në vend, sensibilizimi I shtetasve mbi mbrojtjen e të drejtave dhe lirive të tyre; përmirësimi I legjislacionit dhe praktikës për zbatimin e ligjit nëpërmjet oponencave dhe rekomandimeve si në fazën e draftimit të tyre, ashtu edhe gjatë zbatimit të tyre.

Kur do të ngrihen Komisionet e qendrave (KQV-të)

23.06.2005

Komiteti Shqiptar I Helsinkit, konstaton se krijimi me shumë vonesë i KZZ-ve, nuk shërbeu si përvojë negative që anëtarët e KQV-ve të emëroheshin më parë, në afatet e përcaktuara në ligj.

Sipas nenit 45 pika 2 të Kodit zgjedhor partitë politike përkatëse, jo më vonë se 35 ditë para ditës së zgjedhjeve (domethënë brenda datës 30 Maj 2005) duhet të paraqitnin në të 100 KZZ-të propozimet për antarë dhe sekretarë të KQV-ve.

Po të respektohej afati i mësipërm KQV-të, mund të ishin ngritur qysh në datën 5 qershor 2005. E keqja është se KQV-të nuk do të ngrihen as në afatin e fundit ligjor që është 24 qershor 2005, (shih nenin 45 pika 2 të Kodit zgjedhor).

Në mbështetje të informacioneve të vëzhguesve të këtij komiteti dhe njoftimit të KQZ-së që paralajmëroi partitë politike të paraqitnin sa më shpejt në KZZ propozimet për anëtarë të KQV-ve, KSHH shpreh shqetësimin e vet, sepse në vend që deri ditën e nesërme në të gjithë territorin e Republikës së Shqipërisë të ishin gritur KQV-të, ky afat ligjor nuk u respektua për shkak se partitë politike ende nuk kanë paraqitur në të 100 KZZ-të propozimet e tyre.

KSHH e sheh të nevojshme të theksojë se edhe sikur ditën e nesërme (24.06.2005) të përfundonin propozimet e partive, KZZ-ve mund tu duheshin edhe 5 ditë të tjera për të verifikuar një e nga një të dhënat për çdo anëtar të propozuar nëse ai përmbushte ose jo kërkesat e ligjit.

Po të ndodhte kjo i bie që KQV-të të ngrihen 5 ditë para ditës së zgjedhjeve.

KSHH pasojën e kësaj vonese e shikon në pamundësinë e trajnimit të nevojshëm dhe cilësor të afro 38 mijë anëtarëve të KQV-ve.

Mendimi se në këto zgjedhje KQV-të nuk do të kenë ndonjë barrë të rënde sepse ato nuk do të angazhohen me numërimin e votave, pra si rrjedhim edhe trajnimi i tyre nuk do të jetë i vështirë, është krejt i gabuar.

Për KSHH-në, pavarsisht nga fakti i mësipërm, KQV-të do të vazhdojnë të luajnë një rol të rëndësishëm. Respektimi i dispozitave të Kodit zgjedhor gjatë procesit të votimit, është përcaktues në vlerësimin e standarteve që kërkohen.

KSHH ka ndjekur me vëmëndje qëndrimet dhe reagimet e herë pas hershme të KQZ-së. Ato ne i konsiderojmë pozitive sespe kanë synuar mbarëvajtjen në tërësi të aspekteve të ndryshme të procesit zgjedhor. Ky ishte edhe synimi i  udhëzimit të KQZ-së, Nr. 15, datë 28.05.2005, “Për organizimin dhe funksionimin e komisionit të qëndrës së votimit”.

KSHH, si një organizatë e angazhuar në fushën e respektimit të të drejtave të njeriut dhe e specializuar në monitorimin e zgjedhjeve periodike që janë zhvilluar në vendin tonë, nëpërmjet kësaj deklarate:

a)      I bën thirrje partive politike që të paraqitin me urgjencë propozimet për anëtarët e KQV-ve në të gjitha KZZ-të dhe

b)     I sugjeron KZZ-ve që menjëherë mbas paraqitjes të propozimeve, (pa dëmtuar cilësinë e verifikimit të të dhënave për çdo anëtar të KQV-së), të vendosin krijimin e KQV-ve.

KSHH mendon se vetëm kështu mund të krijohet mundësia për një trajnim relativisht cilësor. Vlen të përmëndet se OSBE/ODIHR-i, vazhdimisht ka bërë vërejtje për trajnime të dobëta gjë që ka reflektuar në mos kryerjen si duhet të detyrave nga anëtarët e komisioneve zgjedhore.