KSHH

TEL/FAX

++355(4)233671

Misioni I KSHH-së

Misioni kryesor I KSHH-së është vëzhgimi I respektimit të të drejtave dhe lirive të njeriut dhe reagimi për rivënien e tyre në vend, sensibilizimi I shtetasve mbi mbrojtjen e të drejtave dhe lirive të tyre; përmirësimi I legjislacionit dhe praktikës për zbatimin e ligjit nëpërmjet oponencave dhe rekomandimeve si në fazën e draftimit të tyre, ashtu edhe gjatë zbatimit të tyre.

Njoftim për shtyp

Tiranë, 25 shtator 2003

Komiteti Shqiptar i Helsinkit (KSHH), duke ndjekur me vëmendje fushatën zgjedhore me kënaqësi ka konstatuar se në përgjithësi ajo është zhvilluar në përgjithësi e qetë dhe në kushte normale. Por, njoftimet në shtypin e sotëm bëjnë të ditur se në Vaun e Dejës një grup personash kanë provokuar dhe kanë synuar të pengojnë një aktivitet zgjedhor të organizuar nga PS dhe PAD në mbështetje të kandidatit të përbashkët z. Dede Donani. Grupi i mësipërm, siç thuhet në këto njoftime veç presioneve, ka hequr edhe flamujt nga makinat.

KSHH duke patur parasysh se jemi në vazhdim të fushatës zgjedhore, me qëllim parandalimin e rasteve të tilla, si dhe duke konsideruar që çdo subjekt zgjedhor të mos pengohet në aktivitetin e tij të ligjshëm, çmon të nevojshme të theksojë se tubimet e ligjshme dhe paqësore garantohen me Kushtetutë se sipas nenit 134 të Kodit Zgjedhor. Subjektet zgjedhore kanë të drejtë të bëjnë propagandë zgjedhore në çdo mënyrë të ligjshme.

KSHH ka parasysh gjithashtu se akte të tilla janë të dënueshme edhe penalisht. Në nenin 325 të Kodit Penal thuhet se “pengimi me dhunë apo me çdo mënyrë tjetër të subjekteve elektorale për të zhvilluar aktivitetin e tyre në përputhje me ligjin gjatë fushatës, dënohet deri në tre vjet burgim”.

U sugjerojmë organeve kompetente që të vlerësojmë seriozisht denoncimet me të dhëna që vërtetojnë pengimin e aktiviteteve të ligjshme të çdo subjekti zjgedhor dhe që në raste të veçanta mund të shoqërohen me pasoja të dëmshme.