KSHH

TEL/FAX

++355(4)233671

Misioni I KSHH-së

Misioni kryesor I KSHH-së është vëzhgimi I respektimit të të drejtave dhe lirive të njeriut dhe reagimi për rivënien e tyre në vend, sensibilizimi I shtetasve mbi mbrojtjen e të drejtave dhe lirive të tyre; përmirësimi I legjislacionit dhe praktikës për zbatimin e ligjit nëpërmjet oponencave dhe rekomandimeve si në fazën e draftimit të tyre, ashtu edhe gjatë zbatimit të tyre.

Gabimet e mundshme në listat e zgjedhësve mund të korrigjohen

Tiranë 28.08.2003 

Fill pas shpalljes së listave paraprake të zgjedhësve, në adresë të organeve kompetente po bëhen vërejte dhe kritika që kanë të bëjnë me mangësi në këto lista.

Pa paragjykuar aspak kritikat e mësipërme dhe as përgjegjësinë e mundshme të organeve përkatëse (gjë që duhet të vërtetohet), Komiteti Shqiptar i Helsinkit pas shpalljes së listave paraprake të zgjedhësve si faktor deçisiv në korrigjimin e tyre konsideron interesimin e vetë zgjedhësve. Njohja e tyre me listat e shpallura u jep mundësinë për të konstatuar nëse figurojnë ose jo në listë, nëse identiteti i tyre është ose jo i saktë.
Brenda afatit ligjor zgjedhësi ka të drejtë ti drejtohet KZQV-së për korrigjimin e listës, madje kur është rasti të kundërshtojë vendimin e KZQV-së në gjykatë.

KSHH mendon gjithashtu se një kontribut të çmueshëm në korrigjimin e listave të shpallura mund të japin edhe subjektet zgjedhore të regjistruara në KQZ, që sipas kërkesës së tyre u vihen në dispozicion listat e zgjedhësve.
KSHH si një organizatë e specializuar dhe e angazhuar në fushën e të drejtave brënda mundësive të tij do të japë ndihmesën e vet modeste si në sensibilizimin e zgjedhësve për të ushtruar të drejtën e zgjedhjes që u garanton Kushtetuta edhe në vëzhgimin e procesit të rishikimit të listave paraprake me synim, zbatimin e përpiktë të dispozitave të Kodit Zgjedhor si dhe udhëzimin përkatës të KQZ-së.