KSHH

TEL/FAX

++355(4)233671

Misioni I KSHH-së

Misioni kryesor I KSHH-së është vëzhgimi I respektimit të të drejtave dhe lirive të njeriut dhe reagimi për rivënien e tyre në vend, sensibilizimi I shtetasve mbi mbrojtjen e të drejtave dhe lirive të tyre; përmirësimi I legjislacionit dhe praktikës për zbatimin e ligjit nëpërmjet oponencave dhe rekomandimeve si në fazën e draftimit të tyre, ashtu edhe gjatë zbatimit të tyre.

Trajnim i vëzhguesve afatgjatë të KSHH-së për zgjedhjet për organet e qeverisjes vendore

08.09.2003  

KSHH është përfshirë në vëzhgimin e zgjedhjeve për organet të qeverisjes vendore të 12 Tetorit 2003. Në këtë kuadër, Komisioni Qëndror i Zgjedhjeve ka akredituar 106 vëzhgues afatgjatë të KSHH-së. Më qëllim rritjen e cilësisë së vëzhgimit, në datën 5 dhe 6 Shtator 2003, Komiteti Shqiptar i Helsinkit organizoi një trajnim dy ditor të vëzhguesve të tij. Në këtë trajnim merrnin pjesë vëzhgues të përzgjedhur nga rrethet Tiranë, Durrës, Elbasan, Vlorë, Shkodër, Gjirokastër, Korçë, Fier dhe Kukës.

Qëllimi i vëzhgimit ishte njohja e vëzhguesve me Kodin e Ri zgjedhor, procesin zgjedhor dhe vëzhgimin e tyre, vëzhgimin e fushatës zgjedhore dhe zgjedhjeve për organet e qeverisjes vendore, listat paraprake të zgjedhësve dhe procedurat përkatëse, procedurat në KZQV dhe KQV-të, procesi i votimit dhe procedurat pas ditës së votimit, procedurat ankimore, etj. Një vemendje të veçantë iu kushtua rolit të vëzhguesit vendas dhe metodologjisë së vëzhgimit.

Trajnimi u krye nga  një staf  i kualifikuar i Komitetit Shqiptar të Helsinkit. Për pjesëmarrësit në trajnim u përgatitën materiale të dobishme për të kuptuar dhe zbërthyer kodin zgjedhor, organet e qeverisjes vendore, për metodologjinë e vëzhgimit dhe mënyrën e përgatitjes së raportit të vëzhgimit. 

Trajnimi u mbështet finaciarisht nga Komisioni për Demokraci, programi i granteve të vogla, pranë Ambasadës së Shteteve të Bashkuara, Tiranë.