ZGJEDHJET vendor 2007

ZGJEDHJET parlamentare 2005

ZGJEDHJET VENDORE 2003

ZGJEDHJET

KSHH dhe GSHDNJ, shprehin shqetësimin e tyre për vonesën e theksuar për realizimin e reformës zgjedhore 

12.06.2008

Komiteti Shqiptar i Helsinkit (KSHH) dhe Grupi Shqiptar i të Drejtave të Njeriut (GSHDNJ), shprehin shqetësimin e tyre për vonesën e theksuar për realizimin e reformës zgjedhore. Si dy organizata jofitimprurëse të angazhuara në fushën e mbrojtjes të lirive dhe të drejtave të shtetasve në përgjithësi dhe në monitorimin e zgjedhjeve periodike në veçanti, jemi të interesuar që standartet e zgjedhjeve të ardhshme parlamentare të mos dëmtohen si pasojë e kësaj vonese. Nga muaji maj i vitit 2007, u ngrit komisioni i posaçëm për reformën zgjedhore, por tre mandatet e tij përfunduan pa asnjë rezultat. Kjo mendojmë se është rrjedhojë e mosmarrëveshjeve partiake dhe e mungesës së transparencës.

Ritmet për reformën zgjedhore duhen shpejtuar

24.01.2008

Duke patur parasysh se zgjedhjet periodike janë një e drejtë themelore e shtetasve, si dhe faktin se në vitin 2009 do të zhvillohen zgjedhjet parlamentare, Komiteti Shqiptar i Helsinkit (KSHH-ja) përshëndet angazhimin e forcave politike për bashkëpunim dhe konsensus për realizimin e shpejtë dhe me sukses të reformës zgjedhore, element ky i rëndësishëm për të marrë ftesën e anëtarësimit në NATO.

Pjesëmarrja në votime është shprehje e demokracisë

Ditën e dielën, më 23 Shtator 2007, në zonën Nr. 31 të qytetit të Tiranës zhvillohen zgjedhjet e pjesshme parlamentare. Deri ditën e djeshme, problematike ka qënë trajnimi i anëtarëve të KQV-ve, jo vetëm si pasojë e ngritjes me vonesë të KQV-ve, por edhe për shkak të mosparaqitjes ditën e trajnimit të anëtarëve të tyre. Për këtë ka tërhequr me të drejtë vëmendjen edhe KQZ-ja. Komiteti Shqiptar i Helsinkit shpreh gjithashtu shqetësimin e vet edhe për mosngritjen në kohë të grupeve të numërimit të votave sepse edhe ato duhet të trajnohen në mënyrë cilësore.

RAPORT PËRFUNDIMTAR PËR ECURINË E PROCESIT ZGJEDHOR PËR ZGJEDHJET E ORGANEVE TË PUSHTETIT VENDOR, 18 SHKURT 2007

Hyrje

Komiteti Shqiptar i Helsinkit (KShH) është organizata e parë joqeveritare e krijuar në Shqipëri. U themelua më 19 dhjetor të vitit 1990, si Forumi për Mbrojtjen e Lirive dhe të të Drejtave Themelore të Njeriut dhe është regjistruar me vendimin nr. 17/1 të Ministrisë së Drejtësisë. Më 22 mars 1992, organizata u anëtarësua në Federatën Ndërkombëtare të Helsinkit për të Drejtat e Njeriut, duke marrë edhe emrin që ka sot. Pas miratimit të ligjit “Për organizatat jofitimprurëse”, KShH-ja u regjistrua pranë gjykatës së rrethit gjyqësor të Tiranës.

Përfaqësues të Komitetit Shqiptar të Helsinkit ftohen në takim nga  z. Aleksandër Moisiu, President i Republikës së Shqipërisë

27.01.2007

Fillimi i fushatës elektorale  për zgjedhjet vendore të 18 janarit 2007, nxori sërish në pah mosrespektimin e Kodit të  Sjelljes  të miratuar nga forcat politike.  

Më 22 Janar 2007, Presidenti i Republikës së Shqipërisë ftoi përfaqësues të shoqërisë civile, mes tyre edhe KSHH-në. Z. Moisiu vlerësoi rolin e shoqërisë civile në zhvillimin e demokracisë në vend dhe në veçanti  në vëzhgimin e zgjedhjeve. Ndër të tjera, në  këtë takim u diskutua lidhur me fushatën elektorale, respektimin e Kodit të Etikës,  transparencën e financimeve të fushatës, respektimin e të drejtave të votuesve. >>>